أزمة….ذكاء!

أزمة…..ذكاء!

أكيد ما عنا أزمة أخلاق بالبلد، لسة في شوي، بس الأكيد إنه عنا أزمة ذكاء، وكمية الغباء تفوق منسوب المياه في سد الملك طلال بعزها…..

غباء، لما تطلع بالسيارة تتمشور بالمطر على الفاضي وتزيد العجأة عجأة

غباء، لما تطاحش بالسير والسير مسكر والطريقة الوحيدة إنه يفتح، هي لما تبطل تطاحش…..

غباء، لما الطريق مسكر وتبدأ تعزف لحن الخلود بزمورك على أساس رح يفتح هيك…..

غباء وإستغباء، لما نوڤمبر كل سنة بتشتي بغزارة، والأمانة تقول …..تفاجأنا بكمية الأمطار

غباء وإستغباء، لما تكون عارف إنه طمم وحصمة المقاولات هي السبب الرئيسي لإنغلاق المصارف، ومع ذلك ما بتخالف المقاولين الي بيتركوا طممهم بعد ما يخلصوا….

غباء وإستغباء، لما تكون عارف أنفاقك رح تغرق، وما تسكرها إحتياطاً بيوم المطر…..

غباء وإستغباء، لما يصير في تكنولوجيا بإيد الجميع بتقدر تعرف إذا في مطر ومدته وكميته، ولسة بتذبهل وبتعمل قصة من الموضوع……

منيح الي الأردن ما فيها زلازل ولا براكين ولا أنهار وسدود ولا حيوانات متوحشة (غيرنا)، ولا تقع على المحيط الأطلسي، والله يديم علينا المطر ويخلصنا من البقر آمين يا رب العالمين…..

ملاحظة: راح علي موعد كثير مهم إمبارح مع إني طلعت قبل بساعة وما وصلت على الموعد بعده بساعة وروحت بعد برضه ساعتين…… ٤ ساعات من دابوق للثالث والعكس إلهي ألكسا تنتقم منكم آمين (لو مش مطر كنت طلعت على الڤيزبا رضي الله عنها)😜

http://royanews.tv/articles/%D8%A7%D9%84%D8%A3%D9%85%D8%A7%D9%86%D8%A9-%3A-%D9%87%D8%B0%D8%A7-%D9%85%D8%A7-%D8%AD%D8%AF%D8%AB-%D9%81%D9%8A-%D8%B4%D9%88%D8%A7%D8%B1%D8%B9-%D8%B9%D9%85%D8%A7%D9%86

It Pours…

Thought of The Night:

In Jordan, when it rains it pours…..cars and real stupid drivers 😡

Good Night and…..Good Luck!

خطبة الجمعة – المطر والغضب الإلهي!!!

خطبة الجمعة – المطر والغضب الإلهي!!!!!
إستقيموا يا معوجيين…….
المطر على فكرة، زيادته غضب إلهي ونقصه برضه غضب إلهي…….يا إلهي على غضبه من هبل هالعالم!!!! المطر هو عامل من عوامل الطبيعة إلي مربوطة كلها ببعض حسب شو هو هذا العامل وشو إلي بأثر عليه أو لصالحه!!!
كل شوي صلاة إستسقاء، كل شوي غضب إلهي من عبيده …… يا إخوان، أوروبا وأمريكا وكندا “الكفرة” غرقوا السنة من المطر ، يعني أولى من الله كان يوقفه عنهم ويمشيه عنا إذا الموضوع مين عم يتعبد أكثر؟؟؟ بنغلادش مشكلتها الرئيسية وهي من أكبر بلاد المسلمين، هو المطر الدائم إلي عندهم؟؟!!! شو علاقة طُز بمرحبا، يا ريت حد يفهمني – بس ما يتعب حاله لأني ما رح أفهم هذا الهبل أبداً –
المطر عبارة عن رطوبة تخرج من الأرض وترتفع بطبقات الجو وبتجمع غازات إلى أن تثقل وبعدها الجاذبية الأرضية بتخليه ينزل……ما في ولا دعوة بالطريق مسؤولة عن تنزيله ولا صلاة ولا آية! المسؤؤل الوحيد هو دورة الحياة الطبيعية وإلي مش متوفرة عنا في مناطقنا ومناطق كثير غيرنا (أستراليا مثلاً ماكلين هوا أكثر منا كمان)….
يمكن بدل هالدعوات والصلوات، لو نرجع نزرع بشكل أكثر، ونصلي وندعي الله يكبرلنا هذا الزرع أو يمكن لو نحافظ على الأحراش والغابات برضه، الله يتطلع علينا بعين ويكمل هالدورة الطبيعية بتكوين الرطوبة من الزرع وهكذا إلى أن يتغير أو يعود طقسنا بالمنطقة مثل ما كان قبل ١٠٠ سنة أو أقل لما كان دورة الطبيعة مكتمله زي ما هي مكتملة بأوروبا وبنغلادش وبالتالي بينزل عندهم المطر ……كب من عند الرب!!!!!!!

اللهم أمطرنا برحمتك وخفف عنا هبل عبيدك يا أرحم الرحمين …….آمين!

Rain Prayer

Thought of The Night:

Jordan weather forecast personal said on radio today: we asked people to pray for rain and no one listened until yesterday so we are expecting some rain fall this evening……kapora fapora dapora tapora and repeat 3 times after each shower you take for the coming week!!!!!

Good Night and…..Good Luck!

http://m.youtube.com/watch?v=y2e1515l7Tc&desktop_uri=%2Fwatch%3Fv%3Dy2e1515l7Tc

Rain Mood

Thought of The Night:

First Rain, beautiful voice…..A glass of red wine is due for sure 😉

Good Night and…..Good Luck!

نطرة خفيفة

نطرة خفيفة….
وهاي مطرت…..يلا إنبسطوا!؟
إنه يعني بننبسط على المطر، إلي إحنا عارفين إنه اليوم بكره رح تمطر، وكل الأرصاد متوقعة مطر، والدراسات بتقول مطر، والجو من الصبح مغيم، وبرضه لما تمطر بننهبل إنه ياي معئول مطر؟؟!!
يعني على أساس كلنا زرعنا السنة وبس عم نستنى مطرة أيلول علشان تبدى عملية إنتاج الزرع وننتعش بولادة الحياة الجديدة!!!!
المطر، عبارة عن سبب من أسباب الفشل عنا، وبالتالي مش عارف ليش الكل فرح لما مطرت، مع إنها زي ما قلت لازم تمطر؟؟؟ غير إنه فرحتنا بالمطر مش بأنه نطلع نرقص تحت المطر، ونستمتع بأول الغيث وهو عم ينزل على وجوهنا……حتى هاي ما عنا إياها وبنعوضها، بإنشاد أغاني المطر أو أشعار تغنى فيها الشاعر بالمطر على بروفايلاتنا……
لحق على حوادث السيارات من ورا هالمطر….
لحق ورا عجقت السير من ورا هالمطر…..
لحق ورا طرطشت الماشين بالشارع من ورا هالمطر……
لحق ورا تأخير على الدوام من ورا حجة المطر……
لحق على الشوارع إلي ببين العجب فيها من ورا هالمطر…..
لحق على غش مقاولين العزل من ورا هالمطر…..
لحق على برك المي بالشوارع والأراضي الفاضية من ورا هالمطر……
لحق على دور المخابز برضه من ورا هالمطر……(حرب = دور، كيميائي = دور، مطر = دور……مش معقول!!)
لحق على “بدي أنزل الشتوي، مش فاضية” من ورا هالمطر……

هما كلهم كم نقطة، ورح نبدأ نتأفأف، ونلعن ساعته، ونقعد نستنى الصيف على نار، عن جد شعب غريب إحنا، بدوا عرس يرقص فيه!!! هاي كيف لو بتمطر ڤودكا؟؟ شو بصير فيكم؟؟

بس بلا شك……بظلوا حلو وإله ساحرية مخيفة، حتى لو بنقضيها طين بالنهاية :))

http://m.youtube.com/watch?v=Dae5I7HtK9w

Thatcher for PM in Jordan

Thought of The Night:

This is a quote by a Women who I have a crush on :-):

“You and I come by road or rail, but economists travel on infrastructure.” –
Margaret Thatcher

Dedicated to our Government in Jordan after the showers that showed our Lego
infrastructure!

Good Night and…..Good Luck!

Ps. Also dedicated to our Government, back in 1984 at the Prime time of Mrs.
Thatcher, me and 3 friends of mine stopped by the traffic light exactly next
to her convoy, which was the car she was in with her driver and 1 (One)
security guard in the front seat ONLY!!! (we were totally drunk and couldn’t
believe we are next to the Iron Lady….she didn’t even left an eyebrow
although we literally jumped from the window and started waving at
her!!!)……maybe our PM’s should do the same and use the money of their
convoys for a proper sewage system and manholes !!!!!

تي رش رش

أي تعدي على العاصفة والمطر والريح هو تعدي واضح وصريح علي شخصياً! هاي العاصفة أخذت إلهامها من إلي عملناه أول إمبارح بخلع القارمات، ولذلك هذه عاصفة صديقة وعملها عمل خيري بحت.
ما في شيئ أثلج صدري اليوم مثل المنظر في الصورة…..قارمات المشرشحين متجهين إلى مكب الزبالة بالضبط محل ما لازم يكونوا!
مش معقول شو نساني هالمنظر المي المهدورة، نساني كيف غرقنا بشوية مي وإحنا بلد مؤسسات، نساني كيف أمانة عمان ضروري نجيبلها أمانة، نساني كيف الفساد واصل حتى مشاريع الأنفاق وأرصفة الشوارع، نساني سعر تناكر المي بالصيف، نساني سعر السولار هالأيام، نساني اللاجئين بالزعتري والبرد إلي هلكهم أكيد اليوم، نساني الفقير إلي ما عنده حق جرة غاز، نساني إنه أول أساسيات الإنسان قبل الديمقراطية بتكون البيت والدفء حتى قبل الأكل، حتى نساني شبلي حداد بعظمته، نساني قلة أدب السائقين إلي بطرطشوا واللهم نفسي ونساني البواليع في الشارع إلي بتفتح وبصير مصيدة للسيارات! ……يا ريت قبل ما أتذكر يكون المشرشحين أصيبوا بالإحباط وقرروا الإنسحاب من الترشيح وإعتبروا قارماتهم المتجهة للمزبلة، إشارة من عند الله إنه ما رح ينجحوا لأنه وجودهم بالمجلس الجديد، لن يغير أي شيئ بالنسبة إلنا.

أحد المشرشحين، قارمته مكتوب عليها “فلان الفلاني……المحسوبية أساس الفساد” مع الهوا إنطعجت القارمة وظل باين بس “فلان الفلاني……أس الفساد” (بدك إشارة أكثر من هيك :)))
يا ريت ما ننسى ونتذكر، إنه كل إلي بدنا ننساه، إجى بس بسلبيتنا تجاه إلي عم يرسم تشريعاتنا وإلي عم نطلعه على البرلمان بإيدينا وبعدين منتحسر على حياتنا وليش كلها مبنية على الهبل حتى لو كانت بسبب شوية تي رش رش تي رش رش……