خطبة الجمعة – مانديلا رضي الله عنه
إستقيموا يا معوجين ……
بتعرف لما وإحنا صغار، لما كنا نغيظ بعض ونقول: أصلاً أصلاً أصلاً سيارة أبوي أكبر من سيارة أبوك !!!!!!!
هاي العبارات والمشاكسات الصبيانية بتنتهي بالعادة بعد عمر ٥ أو يمكن ٦ سنوات وبعد هيك يبدأ الوعي تدريجياً لحد ما نصير نستوعب إنه حتى لو سيارة إبوه أكبر، مش معناته إنه أبوه أحسن من أبوي أو العكس، وهكذا…..
ضربلي هذا الموضوع على وجع، وأنا عم بشوف تويتات ومشاركات من بعض الشيوخ الغير أكارم، إلي من يوم ما مات إلي بيسوى رأسهم جميعاً، بدأوا زي الأطفال ما غيرهم إلي أعمارهم ٥ سنين…… (وما عندي إعتراض على رأي الشيوخ الأغبياء لأنهم أغبياء بالفطرة، عندي إعتراض على إلي بيسمعوا من هيك زبايل وهما عندهم عقل وإيمان وثقافة – المفروض – أكثر من الشيوخ إلي بيسمعولهم!!!)
– أصلاً أصلاً أصلاً هو ما كان لحاله ولولا رفاقه المسلمين في جنوب أفريقيا لما كان قدر يعمل هيك……(يعني الحيوان إختصر ٥٢ مليون نسمة ٦٥٪ منهم سود، ب ١.٥٪ مسلمين لولاهم ما كان تحرروا- وحتى هدول كانوا من أصول هندية وباكستانية الأغلب وما كان وضعهم بسوء وضع السود -!!!!!)
– أصلاً أصلاً أصلاً في شيوخ موجودين في أفريقيا عملوا أكثر من إلي هو عمله بس لأنهم مسلمين ما حد بيذكرهم…..(مش المهم هما شو عملوا، المهم أنتم شو عملتوا يا مشخات وليس مشايخ……هما عملوا لوطن واحد ومش مثلكم لمذهب واحد وبرضه مش فاهمينه (طبعاً عم أحكي عن المذهب الوهابي، وليس السنة لأنه السنة الحقيقية مش هيك)!!!! – وعلى فكرة هو عمل بالزبط زي ما عمل سيدنا محمد عليه السلام لما نزل وحرر العبيد وطالب بالمساواة للجميع بغض النظر عن جنسه ولونه ودينه كمان –
– أصلاً أصلاً أصلاً مانديلا سجن ٢٧ سنة بس الشيخ هارون الجنوب أفريقي سجن ٣٠ سنة ……(إذا هي سبق، نائل برغوثي إنحبس ٣٤ سنة وما شفنا حد من شيوخكم بيذكروا بخطبهم أو ذكره بالسابق……يمكن برغوثي بِردوا أورثودوكس وإحنا مش عارفين؟؟)
– أصلاً أصلاً أصلاً مسلمين جنوب أفريقيا عانوا أكثر من سود جنوب أقريقيا………(تلحس….)
يا شيخ تلحس طيزي (وأسف على كلمة طيزي يا مِتري بس مضطر :)) مين ما كنت تكون وخراي على إلي فهمك إنه الدين عبارة أنا أحسن وغيري كونه مش مسلم مش أحسن. مانديلا ألغى عنصرية إلي لغاها قبله دينك الحنيف، وإنت اليوم عم بتعزز التفرقة حتى بشخص عمل بإنسانيته وكما ورد في جميع الأديان، بما فيهم دينك……هذا إذا طبعاً كان عندك دين من أصله وأهم من هيك مانديلا ما باع حاله للي ليدفع اكثر زي شيوخكم إلي كل شيك بفتوة!
اللهم إرحم عبدك الكريم المؤمن المحب الصابر المقاوم المسامح……نيلسون إبن مانديلا رضي الله عنه…… أمين يا رب العالمين