داعش الإيبولي النفطي Vs إيران الروسي الصيني
كثير في تحليلات على الساحة عن ليش عم بصير هيك، وكل مرة بتقرأ تحليل بزيد عندك الفهم الأوضح للصورة الأكبر للتعريص الي عم بصير عنا.
الحرب مثل ما قلت قبل، هي حرب عالمية ثالثة وبادية من زمان، وما تستغرب، لأن الحرب العالمية الثانية مثلاً، بدأت تتصاعد من ١٩٣٦ لغاية ضربة بيرل هربر الي في ١٩٤١ الي فعلياً كانت بداية الحرب رسمياً، مع إنه من ٣٦-٤١ هتلر كان مُحتل النمسا وبولندا وشيكوسلوڤاكيا وفرنسا وعلى وشك يحتل روسيا، واليابان كانت محتله أهم مناطق بالصين.
إحنا اليوم الحرب بدأت تتصاعد فعلياً مع بداية النفوذ الإيراني الروسي الصيني وعلوهم الإقتصادي وسيطرتهم على الإقتصاد العالمي شوي شوي في العشر سنين الأولى من الألفية الثانية، وموضوع الربيع العربي هو فقط الخطوة الأولى بالتحضير للحرب (٦٠٪ من نفط العالم معطل)، وظهور الجماعات “الإسلامية” مثل داعش وبوكو حرام والشباب (عراق نيجيريا كينيا – نفط معطل وإستثمارات ونفوذ إيراني وروسي وصيني) هو الخطوة الثانية بكل تأكيد، ودخول روسيا على كريميا الثالثة (غاز لأوروبا معطل)، واليوم الحوثيين بدعم إيران وسيطرتهم على الموانئ ومداخل البحر الأحمر والخليج هي أكيد الرابعة (تعطيل نقل النفط بالخليج)، والخامسة هو التصريح الحربي العدواني الواضح من سعود الفيصل ضد إيران قبل كم يوم (الشيطان الأعظم مثل ما واضح بالمقال مستعد يبيع البرميل بدولار واحد علشان يخلي إيران وروسيا يخسروا)
الإيبولا ما بستغرب تكون الخطوة السادسة لشل الحركة في أفريقيا وبالتالي شل الإستثمارات الروسية الصينية هناك، الي حجمها تعدى حجم الإستثمارات الأوربية والأمريكية وعدد البارجات الحربية الي عم يبعتها الغرب بحجة الإيبولا مش قليل أبداً!!
الحرب قادمة لا محالة، وهذا مش سلبية مني، قد ما هي قراءة للتاريخ وقراءة للواقع الي معطياته واضحة بس احنا بنستسهل التحليل وبنحوله لموضوع طائفي دائماً، كونه أسهل للنقاش من موضوع براجماتية جميع الأطراف العالمية المتحاربة الي همها فقط السيطرة المالية على باقي العالم بغض النظر مين بروح بالرجلين وكم واحد ممكن يموت، بالزبط مثل ما الحرب العالمية الثانية مات ٣٠ مليون ومشيت الدنيا طبيعي بعدين، مع العلم انه كل أمواتنا من ال ٢٠١١ لليوم لسة ما شكلوا ١٪ من القادم حتى نضرب الرقم القياسي بالنسبة للحرب العالمية الثانية…..العمر الكم، وكانت فرصة منيحة تعرفنا عليكم فيها، وان شاء الله الي حيبقى منا، يعرف ينهض بالباقي مثل ما ألمانيا واليابان نهضوا بالسابق، وإذا ما عرف، باسبورك وڤيزتك بإيدك، وإلي بقولك في أمل، قوله……ك..إمك!
بس عن جد؟؟ شو الحل؟ وشو ممكن الواحد يسوي في هيك مومنتم قاتم جاي علينا لا محالة؟؟ بصراحة ما بعرف…..بس يمكن الواحد يشتري شوية نفط على سعر قليل بعيشوه منيح إذا ما مات بالحرب، ويمكن يهاجر لأقصى وأبعد منطقة عن هون لأن هون أكيد هي الملعب تبع هاي الحرب، أو يمكن تبني ملجأ نووي بجنينة الدار، أو ممكن تبطل تسمع أخبار وتحط رأسك بين الروس وتقول يا قطاع الروس…..يعني خياراتنا كلها سهلة ما شاء الله.