لقيتها (مش قادر أصبر لبكرة :(( )
الطيارة الماليزية فعلياً دُمرت من قبل صاروخ أرض جو ……بالغلط!!!!
– مثل ما عم يحكوا، صار حريقة أدت إنه يطفوا الأجهزة يدوياً حتى يتمكنوا من السيطرة عليها
– طبعاً قرر الكابتن الدوران والرجوع لأقرب مطار بدون أي إتصال وإذ موضوع الحريقة هو الأوقع، إذا ممكن يكون أثر على الإنارة بالطائرة
– إتجه الكابتن لمضيق مالقا لمحاولة الهبوط في مطار لنجكاوي
– طيارة بدون أجهزة إتصال، بدون إضاءة، وطايرة على إرتفاع منخفض، ومافي أي معلومات للأبراج في المنطقة بوجود هاي الرحلة في هذا الوقت (نص الليل)
لهون الموضوع مثل ما كلنا عم نسمعه، ومستغربين مثلنا مثل العالم، شو صار ومش معقول، والإعلام وكل الدول المعنية دخلونا بمليون متاهة من خطف لإيرانيين للكابتن لنص البحر ولا يمكن يلاقوها …….لحد ما؟؟؟؟
لحد ما تعرف إنه مضيق مالقا، موجود فيه أكبر قاعدة بحرية وجوية هندية مدعومة من قوات الناتو وأمريكا لمواجهة أي عدوان من الصين ومن إيران، كون القاعدة تسيطر على أكبر وأخطر مضيق ومن خلاله (إسم القاعدة – عين الصقر Hawk Eye -) تكشف الحركة كاملة من إندونيسيا للمحيط الهندي لبحر العرب وبالتالي الجمهوريات السوڤياتية السابقة والصين من الشمال!!!!!
نظرية المؤامرة تبعتي هي:
منطقة عسكرية، فجأة لقوا طائرة بدون معلومات سابقة على طيرانها في هذه الأجواء، حاولوا الإتصال بها بدون فائدة، ما في أي إشارة لها ومتجهة عليهم، ما بضل غير حل واحد أمامهم كونها منطقة (high alert) إلا أن يدمروها بقصف أرض جو!!!!
علشان هيك، ولا حكومة للأن مستعدة تظهر صور الرادار تبعها، الحكومة الماليزية إستلمت صور من الثايلنديين ورفضت الكشف عنها، الأمريكان أرسلوا بارجات حربية للبحث (ما أرسلوا فرق بحث عادية)، ودخل الجميع في حرب مفاوضات سياسية لترتيب إخراجهم جميعاً من هكذا مأزق؟؟؟؟
لو ما عملت لايك بكرة لحد، بكون الموضوع صح وتم خطفي من قبل وحدة من أجهزة المخابرات المعنية علشان ما أحكي عن الموضوع، ولو عملت لايك، بكون تركوني علشان ما يعملوا شوشرة ويضل تحليلي عبارة عن نظرية أُخرى بين كل النظريات (بس أنا متأكد وهاي خريطة مضيق مالقا وعليها القواعد العسكرية…….)
Abu Alnoon 