Let Us Dream…..

Thought of The Night:

If you won’t let us Dream, we won’t let you sleep. #world_Revolution

Good Night and…..Good Luck!

Curuso

Thought of The Night:

Some nights, A Pavarotti…..is all what you need! 🙂

Good Night and…..Good Luck!

https://www.youtube.com/watch?v=iDEdZfnULIg&feature=youtube_gdata – Video Tube for YouTube – iPhone/iPad

It’s up to you…

Thought of The Night:

If it’s gonna happen, it’s up to…..You!

( I uploaded the thought early, cause you will need to keep listening to this message over and over again…..and you should!)

Good Night and…..Good Luck!

مضروبة!

مضروبة…..
بصراحة من يوم ما بدأ الربيع، حاسس إنه كل حياتنا صايرة ملخبطة ومغشوشة، وبطل الواحد فاهم كيف وليش وشو صار ولا ما يحزنون ومش عارف بصراحة أوقف مع مين أو ضد مين!!!!!
مُش فاهم شو إلي ضربه على إيده هذا الأمريكي إلي حرق حاله، وخلى الدنيا تولع بواشنطن ونيويورك، وكانساس، وفلادلفيا، وقلبوا الدنيا على “بن أوباما” بدون لا إحم ولا دستور!!! يعني كُل فكري بن أوباما نظامه قوي، طلع ما إستحمل كم يوم وزططططط ……فرط، وبالطيارة هريبة على المكسيك!
كم يوم بعدها، قامت بريطانيا وما قعدت، وبدينا “زا بيبول يريدون إسقاط النِظام” و “لا للتوريث لشارلز”…. لحد برضه كم يوم وزي التوتو، تنحت إليزابيث، وسلمت الحُكم للجيش إلي حاول وحاول بس ما قدر، ونتج بالأخر حكم ديمقراطي وحَكم الإخوان البروتوستانت وبعدين عارفين شو صار ب ٣٠ جون!!!!
ما فيش كم يوم، ولعت فرنسا، وشارع الشانزيليزيه ما هدي من المتظاهرين، وهولاند ما عنده إلا كلمتين…….كي إيت ڤو؟؟ كي إيت ڤو؟؟ لحد المسكين ما صادوه وأعطوه عصاي بطزطوزه هالمسكين…..
شوي ولعت إسبانيا وطبعاً عارفين وضع الإسبان مع القات ……نفسي أفهم خوان كارلوس ليش ضل معلق على جملة “فاتكم القطار…..فاتكم القطار” ….لحد ما المسكين طلع هو بالقطار….. وبرة!
بعدين ولعت قبرص…..بس كونه الموضوع قلب قبرصي يوناني وقبرصي تركي وكون قبرص تابعة لمجلس التعاون المتوسط….ما حد إهتم كثير وعتمت عليها قناة الأيلاند وقناة الأمريكية
أخيراً يا حبايبي، ولعت برلين….بس وين؟؟؟ ميريكل مش لعبة!!! هاي من أحفاد هتلر وباعها طويل على الكر والفر….أضرب سنتين ونص ما ضل …..جبهة فرانكفورت الكاثوليكية، جبهة شتوتغارت الأنجلوجهادية، ونصرة برلين المسلحة وما تلى ذلك عن قصص جهاد الڤونداڤا من إلي قلبك يحبه….. لحد ما العرصات بسويسرا ورطوها بالكيماوي وأصروا إنه نظام ميريكل هو إلي ضرب!
طبعاً ما ننسى قناة الأيلاند وقديس شعللت، وناهيك عن البابا بيترظاوي إلي قلب الموضوع لحرب على المسيحية وصار يطالب بدولة الخلافة المسيحية في أوروبا وأمريكا…..
السعودية طبعاً، كونها القوى العظمى لهذا العالم، كُله كوم، والسلاح الكيماوي كوم ثاني عندها……..طبعاً كونها أُم الديمقراطية بالعالم، أول من عمل بنظام الأحزاب، وأول من عمل إنتخابات ومجالس شعب، وإول من أعطى المرأة حرية التصويت وسواقة الطائرات النفاثة، لاترضى تحت أي ظرف من الظروف على إستعمال الكيماوي.
طبعاً الله ستر الألمان إنه السعودية ما بتأخذ قرار فردي، لازم التفويض يجي من مجلس الشيوخ السعودي، وإذا وافقوا، الرئيس عبدالله سعود ناوي عليهم ولحقي صواريخ يا برلين ويا شتوتغارت ويا فرانكفورت ويا أيتها الطاغية ميريكل……
المشكلة اليوم مع السعودية، هُم قوى التحالف إلي طلبت منهم يشاركوها بالحملة العسكرية على ألمانيا……قطر، مجلس العموم القطري ما وافق على الضربة العسكرية، فإضطرت تنسحب!
لبنان، عم بحاول رئيس الوزراء اللبناني إقناع مجلس النواب، وبرضه ما في فائدة وشكله برضه رح تنسحب!
ضل هلأ كُل الضغط على المجلس ذو القبة الحديدية بالعبدلي في الأردن، وهو الأصعب عالمياً من ناحية النقاش الديمقراطي و تصميمه على الحل السلمي دائماً من خلال مؤتمر “الفروانية ٢”، كون الأردن هو وجمهورية الصومال الشعبية، من أكبر الداعمين لنظام ميريكل عبرالسنين ……والله يستر لأن حسب إستطلاعات الرأي، النتيجة رح تكون رفض بالأغلبية وهيك رح يعطي فرصة أكبر لڤلاديمير النسور، يضل في حالة دفاعية ضد السعودية عن حليفته في ألمانيا، ميريكل !!!!
يعني لو صار ضربة، رح تكون حرب عالمية ثالثة أكيد بين القطب الأردني المتشدد وبين القطب السعودي المتعطش للدماء…….

(والله رح أضل أشرب من هاي الڤودكا المضروبة………صح عملتلي هانج أوڤر، بس عن جد عيشني بعالم ثاني…..عالمٌ جميل ووهمي ……..نزداروڤيا عليكم يا شباب)

Dream

Thought of The Night:

I was at the US Embassy today, applying for my visa, with a long line of Jordanians, Iraqis and Syrians…etc.!

looking at the different type of people, I realized something:
Americans live to accomplish A Dream…..we live to relinquish a nightmare!!!

Good Night and…..Good Luck!

منزل السيد هاني دحلان

منزل السيد/ هاني دحلان….
(بداية الحلم)
حلمت حلم أخو شلاتي!!!! صحيت فجأة وأنا هون في فلسطين، في الأراضي المحتلة، في إسرائيل، في الهولي لاند….حسب كل واحد شو بسميها، حلمت إني صحيت وما لقيت ولا جنس إسرائيلي !!!! ولا نفر ولا واحد…..فلسطين رجعت يا شباب ؛))))
(نص الحلم)
لقيت بعدين، كل الفلسطينية أفواجاً أفواجاً عم يدخلوا على فلسطين ….إلي عم يركض، إلي بسيارته طاير، إلي عم يحبي، إلي حامل ولاده على ظهره والكل فرحان ومبسوط والكل عم بقول الحمد لله وهتافات وعلامات نصر وأعلام فلسطين يمين وشمال، وصور أبو عمار وإم عمار وأبو مازن وإم مازن وأبو فلان وإم علان ترفرف فوق العائدون ومزامير “وفراكيع” – معلش أثروا علي الشباب الطيبة هون – والله أكبر وضرب رصاص من الفرحة …..
(٣/٤ الحلم)
لما صارت الدنيا ليل……الشباب نعسوا وصار بدهم يناموا ….والبيوت فاضية (لأنه زي ما قلنا الإسرائيلية إختفوا)……
(١/٤ الأخير من الحلم)
……علقوا الشباب….أبوك على أبو جدك …..شو بيتكم هاد؟؟ ولك ما إنت من قلقيليا كيف هاد بيتك إلي بتل أبيب إلي على البحر…..يا عمي هي الكوشان بقول إنه هذا بيتي، كيف معك نفس الكوشان (والاثنين كواشيين تركية؟) ……أعطيني هاي الڤيلا….أنا مناضل وكنت محبوس بإسرائيل لازم يكون إلي!!! هاي بيارتنا….جدي المرحوم أعطاني إحداثياتها الجوجولية………
(صحيت وأنا عرقان…)
طبعاً صحيت وأنا مفزوع وحالتي بالويل!!!!! يا وردي على هالفلم إلي رح يصير فينا إذا طبعاً (إختفوا لحالهم …..لأنه إحنا عارفين إنه من طيزي….نخفيهم إحنا، وإحنا عم نقاوم ليل ونهار وعم نلعن أبوهم على الفايس بوك وتويتر)، بس قلت لحالي، يا عمي ليش تحكي هيك؟؟؟
“فهو على كُل شيئ قدير” ………….فقلت يا ولد يا أبو النون، جست إن كيس!!! إنزل إتمشى، وحدد البيت إلي بدك إياه من هلق… وعجبني بيت حلو على الشط في يافا وصورته (مرفق هنا)…….وبدي أدعس ببطن أي واحد منكم بقرب عليه – لما تدخلوا طبعاً – وقسماً عظماً بقلبها مجزرة ولا بخليكم تتهنوا فيها ، وقد أعذر من أنذر وبقلبها حرب على إلي خلفوكم وإلي خلف إلي خلفوكم!!!!!!؟؟؟؟؟؟؟ (يمكن تضحك…..بس تخيل شو فعلاً رح يصير!!!!)