كرسي الخلود….

كرسي الخلود….
وأنا عم بتابع الإنتخابات الرئاسية اللبنانية القائمة حالياً والإنتخابات العراقية، ومن كم يوم الإنتخابات الجزائرية، والسورية وقبلهم كل الإنتخابات العربية…..الفسيفسائية، الشيء الوحيد إلي بيخطر على بالي إنه شو هو هالنظام الصحي والغذائي أخو الشر….، إلي بخلي هالأخوات شرشوحة، بغض النظر عن داعمينهم، والسياسات المتحكمة فينا كمنطقة، بعد هالعمر كله، بكامل قواهم الصحية، ووجوههم بتشع ڤيتامين ودم أحمر؟؟؟؟
يعني معقول ما بيمرضوا؟ معقول ولا حد صار معه خلال هالسنين جلطة قلب أو دماغ؟ سرطان (بعيد من هون)؟ تصلب شرايين؟ شلل نصفي؟؟ زهايمر أو باركينسون؟ إيدز؟ رشح مستمر؟ إسهال حاد دائم (غير إلي بيطلع من ثمهم)؟ معقول عزرائيل متواطئ معهم وبياخذ راتب ثاني منهم؟
عن جد في شي غلط، يعني بالذات جماعة السياسيين اللبنانيين، يلعن أختهم واحد واحد من ال ٧٤ وهما زعما، وبتطلع على الواحد كأنه هلأ طالع من حمام تركي، ولسة عنده نفس يترشح ويحكم ١٠٠ سنة لقدام (وأنا متأكد بيقدر وبسهولة)
من اليوم ورايح لما تقرأ إنه معدل العُمر للإنسان العربي زاد…..لا تفرح!؟ هذا بس معناته، رئيسك زادت مدته فقط لا غير…..

Golden Age

Thought of The Night:

There was a fine line that changed our Golden Age to Their Dark Age? We turned our Universities into Masjids and made pupils study the theories of Sharia rather than Theories of Ibn Alhaitham!

The Golden Question Today: Will we ever reverse what our ancestors started in the past 500 years and change back our Masjids to Universities??

Good Night and…..Good Luck!

https://www.youtube.com/watch?v=Cf_PE6MMSKg&feature=youtube_gdata – Video Tube for YouTube – iPhone/iPad

تنويه

تنويه….
شوفوا حبايبي؟؟!!
زينة، بنتي الكبيرة الله يخليكم لأهلكم، مواليد ٢٢/٧/١٩٩٥، درست في المونتسوري، وإحنا سكان دابوق، وصحابي الأنتيم معروفين ومعروفين أولادهم…..هذا أولاً
ثانياً: أنا لما صار عمري ٢٠ بدأ شعري يشيب، مش عارف هو وراثة الموضوع ولا مياه ملوثة زيادة عن المعدل….المهم الشيب بدأ معي وأنا صغير
ثالثاً: معروف عني بمزح وبضحك وبعمل أفلام بأصحاب أولادي وخوش بوش يعني

لذلك، إذا يا حبيبي ويا حبيبتي، إنتوا إكبر ولو حتى بيوم من أكبر بنت عندي “و” ما درستوا معها بنفس الصف “و” مش بالحارة عنا “و” لا إنتوا أولاد أصحابي الأنتيم، وإذا عارفين إنه الشعر الأبيض أسبابه ممكن تكون وراثية أو تلوث بيئي “و” مش مازح معكم بمراحل عمركم من يوم واحد لحد ما صرتوا قد أكبر بنت عندي……..كيف وبأي عين وبأي منطق بتقولولي ……عمو؟؟؟؟ (لاحظوا إني إستعملت “و” مش “أو”)
أي عمى الدبب منك إلها وإذا بدك تقول عمو لا تطلب تجتمع معي على أساس إنٓك أو إنِك صرتوا ما شاء الله كبار، خليك بالمدرسة لحد ما تحس حالك كبرت أول وتبدأ تطلع من موضوع عمو وطنط وأنكل …….عمى يعمي إلي خلفكم عن جد، حسستوني عمري……..٢٥ ونص :((((