متعددين اللغات

متعددين اللغات…
من كم يوم حكت معي صديقة تسألني على شغلة! خلال تلفونها، الظاهر دخلت عليها السريلانكية فدار الحوار التالي بينها وبين السريلانكية:
سريلانكية: مدام إنتي بدي فتور؟!
صديقتي: أه كوماري، سوي إنتي إثنين بيضة …مو هادا زيت زيتون….هدا زبدة ثاني
سريلانكية: أوكي مدام، إنتي كمان بدي زئتر وزيت؟
صديقتي: أه كوماري شوية زئتر وشوية زيت…..وشوية في هدا جبن أبيض، مو أسفر….هدا ماما جيبي من دكان إمبارح
سريلانكية: أوكي مدام…..
عجبني بصراحة لغة صديقتي السريلانكية قديش هي قوية ومتمكنة قواعداً ولهجة….يعني صح لغتها “صديقتي” العربية والإنجليزية ممتازة، بس بصراحة لغتها السريلانكية فاقت كل اللغات الثانية.
تذكرت عنا بالبيت كمان، كيف فعلياً كلنا بنحكي سريلانكي بطلاقة مع الخدم….بابا إنتي إكوي كميس بسرئة بسرئة…..في ماي؟ جيبي أنا بابا ماي…..
أنا متأكد الفيس بوك السريلانكي، كُله تخويت علينا وكيف بنحكي سريلانكي ومش بعيد مسجليلنا الحكي وبالليل لما يدخلوا على غرفهم بيبدوا يبعتوا واتس أب لبعض وكل واهد منهم بيسمع الثاني كيف بابا مال هوا أو ماما مال هوا بيحكوا وخدلك كهكها طول الليل :)))
غريبة بجد، كيف بنقلب لهجتنا لما نحكي معهم، مع إنهم هاي لغتهم العربية الركيكة جداً، وإحنا بذكائنا المعهود وفطنتنا الفلتة، قررنا إنه هيك رح يفهموا علينا أسرع وأوضح……

http://m.youtube.com/watch?v=VK5XWGOVC5c&desktop_uri=%2Fwatch%3Fv%3DVK5XWGOVC5c

مختصر سريلانكي

مختصر سريلانكي مفيد
اليوم، راجع على عمان، لذلك رح ألخص التجربة السريلانكية، بالذات بعد سهرة إمبارح في بــــيت صديق سريلانكي موظف في الحكومة السريلانكية (سهرة بالضبط زي سهراتنا – نميمة، بوتوكس “سريلانكي”، لبس على الحبل، ألماسات، وحكي الرجال عن هاي وهديك والسياسة والمشاريع)
– طلع عندهم فساد الشباب، بس فسادهم عبارة عن ڤيلا زي أصغر ڤيلا في عبدون، إشتراها إبن الرئيس ومش مسترجي يسجلها بإسمه علشان ما يفضحوه!
– الشعب على وشك البطر، وعلى كلام صديقي، الشغالات اليوم بسريلانكا عم يعملوا ٢٥٠ دولار بالشهر وهم قاعدين في بلدهم، فقريباً رح يرفعوا سعر الشغالة على الأقل ل ٤٠٠ دولار في الشهر
– البلد في تطور مستمر، ما حدى بعارض الرئيس بأي شيئ بيعمله، لأنه ببساطة الإنجازات إلي حققها في مدة قصيرة، بتغطي على كل الأخطاء إلي عم يعملها
– مش معتمدين على أي إستثمارات خارجية، لأنه لما صار في إستقرار بعد الحرب، السريلانكيين رجعوا مصاريهم من الهند وسنغافورة وإبتدوا يستثمروا لحالهم
– المطاعم والبارات في كولومبو، بالزور بتلاقي فيها محل تقعد!
– في أبراج عم تطلع سعر القدم المربع ٣٠٠٠ دولار ، إذا حدى جاي على باله….
– وزارة التخطيط (الوزير أخو الرئيس على فكرة)، تستعمل الجيش لكل أعمال المقاولات وتنظيم سريلانكا

ديمقراطية، دكتاتورية، قومية…..فساد خجول جداً، بس بالمقابل الشعب شايف كيف كان وكيف صار، فغاض النظر ….إلهي نقدر نغض النظر، يوماً ما!!!!
مختصرة اليوم، معلش رايح ألعب غولف مع وزير السياحة السريلانكي (بلكي علمني شوي حضارة، أو بلكي علمته شوية فساد ؛)

إنسى ألمانيا… ركز هون!

إنسى ألمانيا واليابان……ركزلي على سريلانكا، بلكي قدرنا نلحقهم؟؟؟
(إلي ما عجبه موضوع إنه سريلانكا أحسن منا……إليكم الأرقام!)
المساحة: ٦٥٦١٠ كلم٢ ومساحتنا ٨٩٣٤٢ كم٢ (أصغر منا)
تعداد السكان: ٢٠ مليون وفراطة وتعدادنا ٦ مليون ونصف ( ٣ أضعافنا)
ناتجهم القومي: ١٢٧ بليون (٦٠٪ منه على فكرة جاي من كوماري وأخواتها الموجودين فقط في الشرق الأوسط) وناتجنا ٣٧ بليون (٣ أضعافنا)
معدل دخل الفرد: ٦١٣٥ دولار سنوي ومعدلنا ٥٨٣٩ دولار (هزُلت والله…..مش قلتلكم “حتى أنتي يا سيريلانكا”)
الدين الخارجي: سريلانكا مديونة ب ٢٢ بليون وإحنا مديونين ب ٢٢ بليون…..برضه!!! (يعني هما كل سريلانكي مديون ب ١١٠٠ دولار وإحنا كل أردني مديون ب ٣٤٠٠ دولار)
معدل النمو الإقتصادي السنة إلي فاتت: ٨٪ هما وإحنا ٢.٣٪ (سنتهم ب ٤ سنوات عنا)
برلمانهم: ١٩٦ نائب، إحنا ١٥٠ (أكمل الفراغ………)
من ٢٠٠٥ لليوم الفقر: نزل من ١٥٪ إلى ٧٪ عندهم، وعنا اليوم ١٤.٢٪ (عندهم مليون وأربعمائة ألف فقير، عنا حوالي ٩٠٠ ألف)
من ٢٠٠٥ لليوم العاطلين عن العمل: نزل من ٧.٢٪ إلى ٤.٩٪ عندهم، عنا رسمياً ١٤٪ (فعلياً ٢٥-٣٠٪) (عندهم حوالي نصف مليون عاطل، عنا حوالي – رسمياً – ٩٠٠ ألف عاطل)
٢٠١١: أطلقوا قمرهم الصناعي من قاعدة الفضاء إلي عندهم، إحنا دخلنا موسوعة جينيس لأكثر عدد دور عبادة في العالم
نسبة التعليم: ٩٢٪ مجاني ١٠٠٪ للجميع، عنا ٩٣.٣٪ ومش مجاني للجميع
عدد الجامعات الحكومية: هما ١٥ إحنا ١١

حاولت ألاقي مدخل، نقدر على الأقل نستفيد من هذا السوق الواعد، لقيت الموضوع صعب كثير، لأنهم مكتفيين ذاتياً صناعياً وزراعياً وكل شيئ، بس طبعاً بفطنتي المعهودة :)، لقيت إنه عنا مجال كبير جداً بالتصدير لسريلانكا!!!!!!!!!!!!
كون إنه، خلال ال ٣٠ سنة الماضية، ساهمنا بناتجهم المحلي، بإستيرادنا للعمالة والشغالات، وبمعدل أظن ٣٠ ألف شغالة سنوياً، يعني صار عنا قاعدة عظيمة تقارب مليون شغالة إشتغلت في الأردن بالسابق، وأكيد أكيد تعلموا وهما هون يطبخوا “منسف”!!! ولذلك، أوصي بالعمل على تصدير الجميد الكركي إلى سريلانكا، لأنه المادة الوحيدة التي لن يستطيع السريلانكيين عملها، إلا طبعاً إذا العرصات الصينيين، قلدوها وسبقونا بتصدير الجميد الصيني لسريلانكا؟؟؟؟

هذا مختصر مفيد، لدولة (أنا آسف إني كنت أعتبرها أدنى منا) عملاقة، سبقتنا وسبقت كل دولنا العربية (بما فيها دول النفط – إذا بتشيل النفط -)، علشان هيك إذا عندك كوماري بالبيت، تعلم منها، وإفهم منها، كيف صاروا بال ١٠٠ دولار إلي عم تدفعلها إياها أخر الشهر، وإحنا كيف عم بنصير مع إنه معاشاتنا بتساوي ٥٠ كومارية نشمية!!!؟؟؟؟

Tasty hot fat!

Thought of The Night:

Hot chili peppers have a tasty hot taste, that doesn’t taste but tasty hot. The only problem starts when you keep on eating everything and anything, trying to take away that hot tasty taste, and hence….get fat!!!
And by the way Julia….it’s Eat, pray to Eat, love to Eat in this part of the world!!!!

Good Night and….Good Luck (for me digesting!)