خطبة الجمعة – أسطورة
إستقيموا يا معوجين ……
من يومين كتب هل الديانات عبارة عن أساطير أم أن العبادات هي أساطير؟ كل الديانات طقوسها وطريقة عبادتها أصبحت تحكم أكثر من الغاية الكبرى تبعت الدين نفسه!
عم بسمع شرح على قناة دينية عن وقت الوقوف بعرفة ووقت رمي الجمرات ووووو……بصراحة موضوع خارج عن العقل والمنطق؟؟ ما أتصور الله سبحانه وتعالى كثير مدقر على الإتيكيت حسب الوصف إلي سمعته وأتصور ولا حتى الدين والرسول عليه الصلاة والسلام برضه أعطى الوصف الدقيق حسب الشيخ إلي كان عم يحكي، لأنه لو هيك الموضوع، بصراحة بكون عبارة عن نفس طريقة الهندوس والبوذيين بالتعاليم الي بنشوفها غير عقلانية – نحن أبناء الديانات الأخرى –
مش معقول وصف طلعة ونزلة عرفة وإذا ما لحقت قبل غروب الشمس لازم تظل فوق لليوم الثاني ومش معقول عدد الجمرات أو حتى الجمرات بحد ذاتها وطريقة رميها؟؟!!
هل يعقل أن من يحج لبيت الله ونيته فقط التقرب ل الله وتلخبط شوي بالتعاليم والأوقات تعتبر حجته باطلة يعني؟؟!! أو ولو مش باطلة …..معقول يتأخر عن الباقي كونه تأخر شوي بالذات لما يكون في ٢ مليون عم بيطلعوا بنفس الوقت؟؟
وإذا لم تكن باطلة، ليش مضيعة الوقت من قبل الشيوخ لوصف وتفصيل الوسيلة وليس الغاية من الحج والإيمان الداخلي!!
في شيئ غلط أكيد مش بس بالعبادات للدين الإسلامي بل بالعبادات لجميع الأديان – قبل ما حد يسب ، أنا عم بقول بطريقة العبادات وليس بالدين نفسه – والغلط وارد بوجود الكثير من المذاهب المختلفة وحتى بدخول العادات والتقاليد وأغلاط التاريخ يمكن، بس الأكيد في الموضوع هو عدم وجود مرجعيات عاقلة تُلغي وتوقف الخزعبلات التي يفتي بها من يسمون أنفسهم أهل علم ودين، ويعيدوا التركيز على العبادة الخالصة من الشخص لربه وليس طريقة السحراء والمشعوذين بالعبادة!
وإنما الأعمال بالنيات (والكتابات أيضاً :)……آمين يا رب العالمين !
Abu Alnoon 