يا لهوييييييي!!!!

يا لهويييييي!!!!
ولكم وقفوا؟؟؟ لحظة شوي دخيل الله أظن الي عم نعمله علشان يفكوا الحصار عن غزة، كثير غلط؟؟؟؟
عن جد، يعني خلينا نقول المقاومة الله يعطيها العافية نجحت بإركاع إسرائيل، وبعدين يا سيدي وستي انتي وإياه، راحوا على المفاوضات، وبعديييييييين، فكوا الحصار، وبعدييييييين، فتحوا المطار، وبعدييييين، عملوا مينا، وبعدييييييييين، فتحوا المعبر، وبعديييييييين، حضروا حالهم الغزازوة يسافروا……يسافروا؟؟؟!!!! شو بتقول؟؟!!!
طيب إذا كان الغزاوي حملة الجوازات الفلسطينية وحملة وثائق السفر المصرية والسورية واللبنانية، ممنوع يدخلوا على ٩٩،٩٩٩٩٩٪ من دول العالم “العربي”، وكثير من الدول الباقية، شو رح نستفيد إنه يفكوا الحصار عنهم بالله!!!!!!
عن جد، خلينا نفك الحصار العقلي عن الدول العربية أولاً المربوط بأوامر سي السيد، وبعد هيك نشد مع غزة وفلسطين، علشان لما يفكوا الحصار، ما يطلعش المتعوس متعوس، ولو علقوا في طيزه…..فانوس!
إسرائيل، أمرها هين والله والله العظيم كمان، أما جماعتنا، موضوع آخر….ى