إسمعي يا هبلة….

إسمعي يا هبلة….

إسمعي يا هبلة…..أنا عمري ٤٩، وعشت الدنيا على “مؤخرتي” لمدة ٤٨ سنة، وضحكت وفرحت وإنبسطت ولا فرق معي شي، فلا تفكري انك كنتي هبلة وحيوانية هاي السنة يعني معناته غلبتني…..فشرتي بعين أهلك 😜
النتيجة ٤٨-١ على فكرة، وحتى لو لٓعبتي معك ميسي ورينالدو بعد هيك، بحب أقولك غير هذا الجول ما رح تاخذي وطز ومليون طز عليكي …..إنتي رح تنقلعي الليلة، وأنا باقي غصب من عنك.
هاي السنة هي سنة الفرح والضحك والإنبساط، ورح أخلي لساني أطول من السنوات الماضية، ورح أكتب كلام وسخ مثل ما بدي، ورح أتمسخر على الي بدي إياه، ورح أغيضه….وألعب في طيزه كمان 😜😜
٢٠١٤…..كُنتي سنة نحسة، بس مع ذلك، صار عندي أصحاب أكثر، وكبر قلبي بحب الكل أكثر، وحتى كمان خاسس ٢ كيلو 😜، ولسة الشمس بتشرق ولسة الكوكب جميل، ولسة أكيد الي جاي أحسن وأحسن وأحسن……

(أغنية غرندايزر لازم تكون نشيد راس السنة الوطني قد ما فيها قوة وحماس 😂😂😂)

آتس بين أ غريت يير…

اتس بين أ غريت يير….

أخو النايمة الي طلع هالأبليكيشن، وهبلونا الناس فيه إنه “إتس بين أ غريت يير”……بالله عن جد؟؟؟

إتس بين أ يير أُخت شرمو…، بنت قح..، يلعن أختها من سنة، حقيرة، متخلفة، ما كان الها لزمة أبداً، سياساً وإجتماعياً، ومالياً، وعربياً، وإنسانياً، وحضارياً…….هاي اليير (أو الأيير)، هي فعلياً سنة النكبة، سنة النكسة، سنة البغل (حسب الأبراج الصينية مش الحصان)، علشان هيك ما حد يصرعنا وكل شوي منزلي آتس بين ا غرييت يير…..آتس نوت، ولازم يعملوا أبليكيشن إسمه (تنذكر وما تنعاد يير)، يبين فيه كل البعابيص الي صارت معنا ولا زالت، علشان ما ننخدع باليير الي جاي لأنه برضه شكلها يير مثل اختها……
ييرك لا تقيسها على مستواك الشخصي …..ييرك مربوطة بكل شي عم بصير وعاجلاً أم آجلاً ممكن يصيبك فيه طرطوشة، وتتذكر وما تنعاد علينا وعليكم آمين 😉، وعلى فكرة انا عم بحكي على ييرنا بالإضافة لموقعنا الجغرافي، لأنه العالم في الكواكب الأُخرى……ييرهم منيحة!

ملاحظة: انا شلتها من حساباتي، وإكتشفت الشيء الوحيد المنيح الي طلع في الموضوع، انه رجع عمري ٤٨ مش ٤٩ 😜😜😜

Resolution of The Year

Resolution of The Year:

This Year, I’m going to stop all wars (by not taking sides), end famine (by consuming less), kill cancer and all other fatal diseases (by going back to nature), distribute wealth equally (by not getting greedy), end racism (by becoming Sapiosexual – thanks Lillian :)-), stop pollution (recycle as I make a difference), plant trees and protect animals (we depend on those), eat only when hungry (just enough to sustain a good diet without waste), drink when thirsty (unless I get too sober – but that also goes for wasting water), buy only if needed (save Earth resources), spread love and make it (innocent here, don’t get wild), share wisdom (for those who shared mine during last year, thank you), educate people (and keep educating yourself), invest in the future (not the past), forget and forgive (peace)……I’m coming back as a human and yes I can, cause it was “I” who started all those global issues originally!!!

Good Year, Good Luck and……Happy New Year!

مختصر مش مُفيد

مُختصر مش مُفيد
زي الكذب مرقت هالسنة الهبلة، تنذكر وما تنعاد على هالأمة الضالة، وبجاه هالحلابات الساعة ١٢ ودقيقة الليلة أخر يوم بالسنة تقلب الساعة ويقلب معها حتى الذاكرة تبعت هالقصص الطرمة إلي ضيعنا السنة وإحنا عم نحكي فيها، وكأن شيئً لم يكن وكأنه ……ضُرآطاً عٓلٓى بٓلٓاطاً (حلوة بالتشكيل)
نسور، نواب، بنزبن، خبز، كهربا، سوريا، لاجئين، كيماوي، مرسي، إخوان، أخوات، سيسي، سيسك، يلعن طيزك، طرابلس، وطرابلس الغرب، تونس المتحرر، تونس الخلافة، بيروت، لبنان الجنوبي، يمن الشمالي، يمن القاعدة، يمن جنوبي، فلس/ طين، عباس، يرموك (مخيم مش معركة)، حماس، موزة، حمد، تميم، قاعدة، نصرة، جيش حر، نكاح، أسد، معونات، باتريوت، وديع، نجم، مانديلا، مستوطنات، غور الأردن، فضل شاكر،شو إسمه هذا رئيس مصر الحالي، وشوإسمه برضه رئيس الوزراء تبع مصر، حراك، ثلجة، دفشة، مديونية، بزاز أنجيلينا، جامعات مسلحة، قضايا شرف، أمن وأمان، النائب حداد، بترول، مجلس تعاون، بحرين، قوات سلام، مديونية، مصارعة نواب، نووي، جزيرة، جرافات، أورغواي، يلا عالبرازيل، أردني أردني، أردني هندي أحمر، أردني فلسطيني، شيعي، سني، شني، سيعي، سلفي، سلفك، إخوانجي، مسيحي عراقي، مسيحي عراقي مهاجر، مسيحي سوري، مسيحي سوري هاجر، تسونامي، مخرج الفلم المسيئ أسلم، كاترينا، أليكسا، ليبرالي، موالي، معارض، عمالة وافدة، عمالة هاملة، توجيهي مسلح، أزمة، زحمة، مركز ثقافي، كرسي إعترافي بالحمام، ڤودكا، كرسميس رجس من عمل الشيطان، دينار نزل، دولار رابطنا، أوباما، ومرته أوماما، ٣ مليار، شطح، عرفات، بولونيوم…..

(خلينا نلعب لعبة، حط لايك إذا ذكرتهم كلهم، وكومنت إذا ناقص شي)

يا رب هو باقي هاليوم، دخيلك عديها على خير بدون مفاجئات ( مش حتفرق حتى، خلي الصبوحة ل ٢.١٤)
رجاءً يا أحلى ٢٠١٤، كوني مُفيدة وبلا زناخة……..وينعاد عليكم أجمعين……

خطبة الجمعة – هالويين مرة ثانية

خطبة الجمعة – هالويين مرة ثانية
بصراحة كنت معجوق إمبارح وما لحقت أكتب شيئ لخطبة الجمعة اليوم، فقلت خليني أشوف شو كتبت بهذه المناسبة العزيزة على قلبنا جميعاً السنة الماضية بلكي إستوحيت شيئ جديد من الموضوع السابق، لقيت إنه من سنة لهلأ ما تغير علينا شيئ فعلياً، وبالتالي موضوع السنة الماضية هو موضوع السنة برضه – يعني على رأي المثل : من قديمه المتجدد!!!!
عبدة الشياطين؟
ما بدي احكي عن هالويين، وانه صرنا نحتفل فيه في البلاد العربية من واقع الهبل أو الملل أو يعني موضة ممكن تختفي بعد هيك زي ما انتهت كثير من الشغلات في الماضي (وهو على كل موضوع تجاري اليوم، والاحتفال فيه بيدخل تحت بنود الرأسمالية أكثر منه ديني)، وحتى لو ما انتهت، فهي يوم بالسنه بالنهاية وبيخلص. وما بدي احكي عن الشرب الي بيصير فيها وعلى قولتكم الزندقة لانه برضه هاي هالويين ولا مش هالويين موجودة وما إلها دخل إذا انت ساكن في عبدون أو مخيم البقعة!
بدي احكي عن العبادة للشيطان الي انتم هيك مسمينها: الشيطان مختلف حسب الشخص الي عم بيشيطن عليه، يعني أنا مثلا شيطاني خلينا نقول هو الڤودكا، ومثلا شيطانك هو الحكم….. وهكذا يعني. في دولنا العربية الإسلامية (وأكرر هذا ما اله دخل غني ولا فقير) عنا كثير شياطين، كثير أكثر من الي ذكرهم الله سبحانه والي عنا مفهومه انه زلمة النار الي حنروح عليها بناء على مفهومك!
الشياطين في العالم العربي اليوم هما، برشلونة، ريال مدريد، مرسيدس، ب.م.، قطعة ارض مهمة، عمولة مشروع حكومي، قناة الجزيرة، شيوخ الدين الجاهلين، الخوارنة المتعصبين، الرؤساء المؤلهين، حركات التحرر القابضين، الزعران المسلحين، التلفزيونات التافهين، المدرسين الفاشلين، الحكومات المستسلمين……هما هدول الشياطين الي العالم عم يلحقوهم وهما مغمضين ، ومستعدين يبيعوا الله وكل الديانات كرمالهم وبأقل منهم علشان كم فلس أو ببلاش حتى!، واكبر هدول الشياطين الموجودين حاليا هما انتم(الإخوان والسلفيين) الي فعليا عم بتبيعوا الدين والله وبتحللوا وبتحرموا علشان تقعدوا على كرسي الحكم مثل ما عم بتحققوا بكل دول الربيع!!!!
انتم أكثر الناس الي عاملين دعاية للنار (وبالكاد بتذكروا الجنة – يعني فعليا انتم أكثر ناس محتفلين بهالويين لانه هو مهرجان الأموات)، ومافي على لسانكم إلى الترهيب من عذاب القبر ويوم القيامة! أي نقاش بالنسبة لكم هو رجس من عمل الشيطان، أي خلاف لرأيكم هو كفر بالله والدين، كرهتونا بواقعنا ونسيتونا وجودنا على هذه الأرض، لهيتونا بكل ما ورد من قبائلكم وعصور تخلفكم وصورتوه على انه دين من الله سبحانه وتعالى الي بعيد كل البعد عن غبائكم.
بكفي يا شياطين و……هابي هالويين…….آمين!

Happy New Year 2013

Thought of The Year’s Eve:

2012, was extremely hard for me! I had a massive breaking hit last March, that was enough to make me lose my dream, my hard work and my spirit! I managed, with the help of many, who stood by and trusted me to by pass this hit! So, thinking a lot about my new year’s resolution, I decided to use my exact last year and the year before resolution as it seems it’s working for me……cause simply:

what doesn’t kill you, makes you stronger 😉

My repeated resolution:
I know I had a great 2012: I made more friends ( not only on Facebook), no enemies, my family and friends are all in good health, visited new destinations and still kicking, living and smiling :)….Happy New 2013 to all of you, wish it will be as great to me and much better for all of you 😉

Now go drink and enjoy …….will be with you in 2013

Good Night ans…..Good Luck!

توقعات فلك لسنة ٢٠١٣

على فكرة، أنا درست لمدة سنة كورس بعلم الفلك في جامعة بلوتوتيكنيك في بلجيكا، على أيد عباقرة في الفلك مثل العالم زحلشتين والبروفيسور جون عطاردوين! بالتالي، حابب أعطيكم توقعاتي لأبراجكم لسنة ٢٠١٣، وإلي إذا بتشوف تاريخي في التوقعات، بتعرفوا إنها ٣٠٠٪ صحيحة :)) (إيت يور هارت ماغي فرح)

توقعات هاني دحلان للأبراج في سنة ٢٠١٣:
الجدي: مش معقول هالسنة شو رح تكون محظوظ،الصحة بمب، الحب في أوجه، المال بالكوام، المستقبل باهر، أحلامك كلها رح تتحقق، أرقام السعد من ١-٣٦٥
الدلو: مش معقول هالسنة شو رح تكون محظوظ،الصحة بمب، الحب في أوجه، المال بالكوام، المستقبل باهر، أحلامك كلها رح تتحقق، أرقام السعد من ١-٣٦٥
الحوت: مش معقول هالسنة شو رح تكون محظوظ،الصحة بمب، الحب في أوجه، المال بالكوام، المستقبل باهر، أحلامك كلها رح تتحقق، أرقام السعد من ١-٣٦٥
الحمل: مش معقول هالسنة شو رح تكون محظوظ،الصحة بمب، الحب في أوجه، المال بالكوام، المستقبل باهر، أحلامك كلها رح تتحقق، أرقام السعد من ١-٣٦٥
الثور: مش معقول هالسنة شو رح تكون محظوظ،الصحة بمب، الحب في أوجه، المال بالكوام، المستقبل باهر، أحلامك كلها رح تتحقق، أرقام السعد من ١-٣٦٥
الجوزاء: مش معقول هالسنة شو رح تكون محظوظ،الصحة بمب، الحب في أوجه، المال بالكوام، المستقبل باهر، أحلامك كلها رح تتحقق، أرقام السعد من ١-٣٦٥
السرطان: مش معقول هالسنة شو رح تكون محظوظ،الصحة بمب، الحب في أوجه، المال بالكوام، المستقبل باهر، أحلامك كلها رح تتحقق، أرقام السعد من ١-٣٦٥
الأسد: مش معقول هالسنة شو رح تكون محظوظ،الصحة بمب، الحب في أوجه، المال بالكوام، المستقبل باهر، أحلامك كلها رح تتحقق، أرقام السعد من ١-٣٦٥
العذراء: مش معقول هالسنة شو رح تكون محظوظ،الصحة بمب، الحب في أوجه، المال بالكوام، المستقبل باهر، أحلامك كلها رح تتحقق، أرقام السعد من ١-٣٦٥
الميزان: مش معقول هالسنة شو رح تكون محظوظ،الصحة بمب، الحب في أوجه، المال بالكوام، المستقبل باهر، أحلامك كلها رح تتحقق، أرقام السعد من ١-٣٦٥
العقرب: مش معقول هالسنة شو رح تكون محظوظ،الصحة بمب، الحب في أوجه، المال بالكوام، المستقبل باهر، أحلامك كلها رح تتحقق، أرقام السعد من ١-٣٦٥
القوس: مش معقول هالسنة شو رح تكون محظوظ،الصحة بمب، الحب في أوجه، المال بالكوام، المستقبل باهر، أحلامك كلها رح تتحقق، أرقام السعد من ١-٣٦٥

كل عام وأنتم بخير جميعاً، وكذب المنجمون ولو صدقوا……بس، إضحك، تضحك لك الدنيا ؛)

خطبة الجمعة…..الإتكال على الله

خطبة الوداع لسنة ٢٠١٢
إستقيموا يا معوجيين……
علشان نبدأ السنة بمفهوم جديد: كثير بتسمع من الناس ، خليها على الله، الله بسهلها، لا تقلق ….الله معنا، إتكل على الله!!! إنشاء الله السنة الجاي، زي ما وعدتوني :)) بدنا نغير حالنا ونحاول نشغل عقولنا ونتكل على الله بس بالأمور إلي فعلاً خارج إرادتنا الكلية وإلي ما في أمل فيها، لأنه غير هيك، الله مش رح يكون معك ولو حتى ضليت تقول يا الله للصبح، طالما إنت مش عم تتكل على حالك وعلى عقلك إلي الله أعطاك إياه أساساً علشان تتكل عليه؟
لما تكذب وتنكشف لا تقول الله بحلها ……بطل كذب
لما تغش وتنكشف لا تقول الله بحلها…….وقف غش
لا تشلفق بشغلك وتقول مشي الله بحلها…..وقف شلفقة
لما تقعد في بيتك وتندب حظ الشغل وتقول الله بيفرجها……الله بيرزقك إذا بشوفك عم بتحاول
الله، بمعنى أخر مش رح يتطلع فيك، لأنه في غيرك مريض أولى منك الله يتطلع عليه، في يتيم، في معاق، في أهل محرومين من شوفت أولادهم، في أهل ولادهم رامينهم بال ملاجئ، في عائلات عم بموتلها أولاد بحروب مجبرة عليها، في أهل أولادها مسجونه لأسباب سياسية وديمقراطية، في أطفال بمخيمات بيتمنوا رحمة الله كل ٥ دقائق……….شفت من أولى بالإتكال على الله ومين أولى الله يستجيبله؟؟؟

الله فوق، وإنت مخير دائماً وخياراتك هي إلي بتسهلها عليك فقط…….

اللهم إتكالي عليك بالحفاظ على قواي العقلية والجسدية والروحانية فقط، وغير ذلك، اللهم إني مُخير وشاكر دائماً بما وهبتني به مهما كثر أو قل لأنه من فعل يدي فقط…..

اللهم إرزق من يرزق نفسه وغيره، اللهم إرحم من يرحم نفسه وغيره، اللهم ساعد من ساعد نفسه وغيره يا رب العالميين ……أميين