خطبة الجمعة – نظرية داروين بالعكس…

خطبة الجمعة – نظرية داروين بالعكس….

إستقيموا يا معوجين….

عم بحكي مع أولادي ودخلنا بنقاش مين هي الصح ومين الغلط؟؟
نظرية الإنفجار الكبير الي تولد عنها الكون ونحن من جزيئات صغيرة؟
ولا حسب النص الديني، بنزول آدم وحواء على الأرض وبداية الحياة؟
ولا حسب داروين والتطور؟؟
طبعاً بلا شك، إذا عقلك لا يحتمل النقاش، جوابك رح يكون “آدم وحواء” حسب النص الديني، بس هون سألوني: طيب الدينوصورات مين جابهم؟؟ والحيوانات مين خلفهم؟؟ (الحيوانات أظن واضح من كثير ناس عايشة بيننا، برضه خلفوهم آدم وحواء بس على شكل بشر…)
أظن إذا بدنا نكون عقلانيين وبدون تكذيب النص الديني – وهذا كان جوابي -، إنه طالما بدنا نقول إنه في الله موجود، إذاً جميع النظريات صحيحة ١٠٠٪….الله عمل الإنفجار الكبير، وأوجد الجزيئات التي تكون منها كل شيء حي، وبنظرية التطور لداروين، تطورت هاي الجزيئات كلٌ حسب بيئتها، وحصل الخلق، ثم جاء الإنسان بنزول آدم وحواء!؟
المشكلة الوحيدة اليوم مش بالنظريات أعلاه بقدر ضرورة دراسة نظريتي الجديدة التي تظهر اليوم بالذات في عالمنا العربي، وهو كيف عم نتطور حسب نظرية داروين ….بس بالعكس؟؟
الجنس البشري حسب داروين تطوروا من قردة لمراحل مختلفة لحد ما وصلنا للشكل الحالي تبع الإنسان وتطوره، وهاي التطورات حصلت بناء على تغيير في العوامل المحيطة للقردة وبالأغلب كانت عوامل جوية وطبيعية.
اليوم العوامل الموجودة والمحيطة بالإنسان، هي عوامل متوحشة وعوامل بدائية، وبوجود القنوات السريعة لإنتقال هذه العوامل، سوف يكون تأثيرها حتمي علينا؟! يعني لما نشوف مناظر الذبح والدم، شوي شوي عم ببطل يؤثر فينا وعم نتعود على المشهد، وبالتالي طبيعتنا ستصبح طبيعة حيوانية خلال سنوات بسيطة…..لما نتأقلم على الناس الي عم تاكل من الزبالة وتشرب من حوض أمطار، أكييد شوي شوي رح نعتبر الموضوع عادي كل ما زاد الفقر…..لما نوقف على الطوابير بدون تنظيم ونهرول علشان ناخد دور حد ثاني وممكن تقوم خناقة، هو نفس منظر القردة، لما يهجموا على سلة فواكه…..لما كل الأمراض الجديدة على الكوكب عم بتصيب بس “عالمنا”، أكيد في تحول جيناتي عم بصير وهو الي عن يؤثر على تطورنا الحقيقي!

نحن نتطور عكسياً نحو أصولنا الحيوانية، وأظن بمرحلة من المراحل رح نحتاج إنفجار كبير، يقضي على الجزء الأكبر الذي في مرحلة التحول (نحن وأعوذ بالله من كلمة نحن)، وتعود الخليقة بالتجدد بنزول أدم وحواء جديدين (أو مش شرط طبعاً…توطين بشر متحضر محلنا ممكن)

اللهم لو تحولنا لقردة، حولني لكينج كونج، خليني ألعن أبو الي كان السبب وأكسرله عظامه، أمين يا رب العالمين….

2015/01/img_5283.jpg

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s