أسخف شي….

أسخف شي…

بتعرفوا شو هو أسخف شي في حياتنا؟؟؟؟
أسخف شي لما كل الي عم بصير عم بصير وما حد فينا يكون عارف ليش عم بصير وما حد قادر يوقف الي عم بصير…..أسخف شي بحياتنا السخيفة، انك تكون مثل شوال الرز أو الكيس الي بيتدربوا فيه الملاكمين أو مثل الخروف …..ما الك إرادة ومش عارف وين الدنيا رايحة فينا، بس الأسخف من هيك على فكرة لما تكون عارف انه شي سخيف وغبي، وبرضه تضل ماشي بحياتك بشكلها الطبيعي من مضاجعة لأكل لتشجيع فريق…..إلخ!
أسخف شي من خلال بس أخبار إمبارح الي بطلت عارف أكتب عن أي واحد فيها، من سخفها:
– إنه نصرالله مثلاً لسة مش قابل يقول عن المفاجأة الي مخبيها لإسرائيل بعد ما صار مضروب فوق العشرين مرة…
– إنه الملكية الأردنية الأعرق عربياً تفلس، ولسة من مِن كم يوم اشتروا واحتفلوا بطيارات جديدة…
– إنه داعش عم تتمدد وكل يوم إذا ما شفنا عملية إعدام، بكون صار شي غلط (السخافة انه لما ما نشوف إعدام صرنا نقول في شي غلط)….
– أسخف شي انه السعودية توقف مع حرية الرأي بفرنسا، وضدها بالسعودية….
– أسخف شي، لما تتغنى بالتعايش وانت عارف انك محاط بعنصرية من كل نوع….
– أسخف شي، لما حتى بقانون الإعدام، لسة في ناس ولا فارقة مع طيزها وجاهزة تنعدم وعم تقتل بدم بارد…
– أسخف شي، لما تكون دولتك ومعظم دولنا العربية كمان مش عارفة وين رايحة….وسارحة والرب راعيها….
– أسخف شي لما ما تفرق كثير في بلاد الشام والعراق إذا كنت لاجىء ولا مواطن….كله واحد
– أسخف شي، لما الليبيين لسة بيتغنوا بعمر المختار وهما عم بدبحوا بعض…
– وأسخف شي كمان، لما الغرب والشرق والشمال والجنوب يشرحلنا معنى التسامح والثقافة والحضارة، ونحن مهد الحضارات والأديان….

وأسخف من أسخف شي أكيد، إنه بطلنا نميز شو هو السخيف وشو هو الي مش سخيف!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s