خطبة الجمعة – ماذا بعد جي سوي ورحمة الله وبركاته…..

خطبة الجمعة – ماذا بعد جي سوي ورحمة الله وبركاته….
إستقيموا يا معوجين…

خلص مهرجان جي سوي على خير، والي مات مات، والي عَصّب عَصّب، والي كفر كفر، وبعد ما باعوا شارلي إبيدوا وصاروا أشهر من الرسول محمد صلى الله عليه وسلم، ضل عنا التالي:
– العالم والشعب الفرنسي رح يضل يترحم على الشباب الي ماتوا باسم الحرية
– الفرنسيين سموا منطقة بإسم “جي سوي شارلي” وأظن السواح العرب رح يروحوا كل سنة ويترحموا عليه بعد ما يخلصوا شوبينج
– العداء للعرب والإسلام، لا يزال في تصاعد، مش لأنه في تصاعد فقط، لأنه الردود تبعت العرب والمسلمين على هيك حوادث لساتها مثل رد حارة الطفايلة على أمانة عمان

أما بالمقابل، يعني ما بعد جي سوي من طرفنا، ما أظن بعد بكرة، في حد رح يتذكر جي سوي ولا أُمه لجي سوي، ولا حد رح يشعر بالإهانة للرسم الكرتوني الأهبل الي سبب هذا الجي سوي، ورح نستنى لما يطلعلنا جي سوي ثاني ينفضنا نفض للمدة القانونية تبعت النفضة وكان الله بالسر عليم…..
من سنتين لما طلع نفس الرسمة في الدنمارك، قامت مظاهرات في الدول الاسلامية ومات دفاعاً وإعتراضاً على الرسمة، حوالي ٢٠٠ مسلم (هدول جايين x ١٠٠ قريباً لا تقلقوا)، وبرضه ما تغير شيء محرز، ورح تضل هاي الرسوم تطلع وبرضه ما رح يتغير شيء، والسبب واضح وصريح:
كمسلمين ردود فعلنا على أي فعل لا يساوي مقدار الفعل حتى لو كان الفعل سخيف، وبنظرة موضوعية بسيطة، الفعل الي بيعملوه هدول الرسامين وبيعتبروه المسلمين إهانة، لا يمت للإهانة بصِلة، كون أصلاً لا يوجد وصف أو صورة لسيدنا محمد صلى الله عليه وسلم، الي ممكن أي رسّام يقول انها صورته حتى لو كتب عليها مليون مرة اسم “محمد”، ومن يجعلها صورته هو من يرد على فعل سخيف بنفس مقدار السخف تبع الرسام…..يعني بمثال اوضح…..حسني مبارك مثلاً كانوا بسموه البقرة الضاحكة، والكل كان بيربط الصورة بالأصل، كون الصورة معروفة والشخص وملامحه معروفين برضه، اما في حالة صور النبي محمد، الصورة غير معلومة، لذلك اي تشبيه هو من تخيلات الرسام فقط، واي حساسية تنتج عن الرسمة، هي من إقتناع الناس بالرسم والفورة والغضب منه؟!
ردودنا كمسلمين، لا تختلف عن ردود “أحلام” المغنية اذا حد نعتها بصفة هبلة، وحين نصل لردود ممنهجة ومبنية على فكر كردود اليهود على كل من ينفي الهولوكوست، نكون بدئنا الطريق الى العقل والفكر السليم….

اللهم ما بدنا العقل كله ….نصه….ربعه….١٠٪ منه بزيادة علينا يا رب العالمين…..آمين!

2015/01/img_5107.jpg

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s