تشششششش….

تششششش…

بعد اول يوم حبسة وزلط اكل، قررت أساعدكم كوني متألم بوجودي في دبي بدرجة حرارة ٢٥ وشمس جميلة ساطعة، ونسمات من الهواء العليل، وزقزقة العصافير، ومنظر البحر الهادئ والرمال الناعمة…..سوري سوري….نسيت حالي، خلينا فيكم وهُدى (لحظة خليني انشف جسدي الطاهر من السباحة، علشان اعرف أساعدكم….😜😜)
يلا…..
– اول شي، حاولوا تضلوا في التخت تحت الحرام لأكثر وقت ممكن، وطبعاً قبل ما تناموا، خلو جنب التخت علبة شوكولاتة، ومي، وإذا في مجال إبريق المي الكهربا (طبعاً في حال الكهربا مش قاطعة)، برضه نيموه جنبكم علشان تشربوا اشي سُخن وانتوا بالتخت
– ثاني شي، اذا ما في تلفزيون بغرفة النوم، انقلوه هناك، ولا تنسوا الريموت (برضه في حال الكهربا مش قاطعة)، وإذا مش طالع الا التلفزيون الأردني، احضروا العيال كبرت بس خلوا التلفزيون صوته واطي وإحكوا انتوا النص – بزعل منكم اذا مش حافظينها 😜😜 –
– ثالث شي، طالما في البيت وما حد شايف، لا تقلقوا على ستايلكم…..بنطلون بيجامة حمرا على بلوزة خضرا، على كلسات بني، على روب رمادي، على بشكير حول الخصر، على شال اسود…..عاديييييي (بس انتبهوا ما حد من الأولاد يصوركم وينزلها على الفيس بوك……هاي تبِعاتها أسوء بكثير من هُدى……هاي هدى وليلى ومها وعالية وسمر وسعاد بشلوا عرضك لأبد الأبدين فيها)
– رابع شي، خلوا جنب التخت ميزان، وكل ما تجمعوا دفى، الله بعين، انزلوا وزنوا حالكم، والعبوا لعبة “إحزر كم صار وزني هلأ؟”…..عن جد بتتسلوا 😜😜 (لا تنسوا تخصموا ١ كيلو وزن الأواعي الي لابسينهم علشان الحرام والحلال). – خامس شي، اهلك الي في البيت حرام مثلك ما الهم زنب بالحبسة تبعت الثلج، بس بعرف مع الوقت بصيروا ما بينطاقوا، لذلك اذا قررت تقتلهم، تذكر انه البحث الجنائي كثير صاروا متطورين، علشان هيك ادرس الخطة منيح (يعني اذا بدكم أفكار …..زحلقة على الثلج…..خليهم يتحمموا بدون ما تشغل السولار….تُخمة)
– سادس شي، حاول علشان ما تزهقوا، دخل المصطلحات التالية اضافة على المصطلحات الموجودة ….يعني فطور وغداء وعشا، ضيف عليهم:
* فطور فردي * فطور جماعي * فطور تفنيني * فطور على التلفزيون * غداء مؤقت * غداء تحماي * غداء تجريبي * غداء قبل النهائي * عشاء عصروني * عشاء مغرب * عشاء المسلسل التركي * عشاء دي ڤي دي * عشاء تدفاية الليل * عشاء آخر لقمة وحياة الله

الحياة حلوة، استمتعوا فيها قد ما كان الهواء قارص ودرجة الحرارة تحت الصفر، ومش حاسين بأصابع رجليكم، وعم ترجفوا، حتى لو قطعت الكهربا وحتى لو خلص السولار والغاز، وتذكروا دايماً، في ناس يا حرام قاعدين بالبكيني بس، والشمس عم تلسعهم والزيت مدهون على جسمهم، وكل شوي عم يضطروا يا حرام يغطوا في البحر علشان يستمتعوا بجزء صغير حقير….. من البراد الي انتوا متنعمين فيه 😢

ملاحظة: في حد بيعرف شو احسن “سن تان أويل” عم بتحروق من الشمس الزفتة …..خلص يلا روحوا……العرق عم بسرسب، بدي أغط غطة تششششششششش 😂😂😂

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s