إني أتنفس تحت الماء…

إني أتنفس تحت الماء….

في تصريح السيد أبو عودة، بخصوص وضع الأردن، يقول: نحن على متن سفينة تغرق؟؟!!

معاليك…..احنا صار النا ٥ سنوات نتنفس تحت الماء…..الوضع غرق وشبع غرقان على فكرة، والي بكابر اليوم، مركب فواشات، أو ماسك بخيط رفيع ومكلبش فيه وأي لحظة رح يغرق!
طبعاً في مكابرة وطنية عن الوضع، وفي ناس عايشة تحت الماء وبلشت تشرب مي من البحر من زمان، بس الحس الوطني مخليهم ذوات خياشيم بتبلبط مع كل موجة.
مرة أخيرة، يا ريت يجينا رئيس وزراء أو حد من الحكومة الحالية، ويطلع ويحكي بالعربي الفصيح بالعلن (قبل ما يترك الحكومة ويتقاعد) ويقول…..يا جماعة…..أكلنا خرى…..كثير ارحم من إبر المورفين الي بصرحوا فيها عن الودائع وعن تحسن المؤشر العام للبقدونس أو إنخفاض المديونية ٣ ملم عن سطح السنة الماضية، لأن أن تعيش الحقيقة المرة وتواجهها، أحسن بمليون مرة أن تعيش وتعِيش ٦ مليون بني آدم بالوهم إنك كحكومة مسيطر، وخياشيمك بتتحمل عمق ٢٥ مليار ديون مش عارف تسكر فوائدها وطبيعي جداً بتؤثر على قرارك السيادي والسياسي والإقتصادي، شو ما حاولتوا تفهمونا انه احنا دولة عظمى.

وعلى هالسيرة؟؟؟ معقول أبو عودة بيحكي عن #هدى وأنا فهمت غلط؟؟؟؟ إدفوا منيح طيب….انا رايح أتشمس 😜😜

http://www.jo24.net/article-99554.html

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s