صورة

صورة….
(موضوع من ٢٠/١٢/٢٠١٢، ولسة كأنه امبارح…..معلش معجوق وبنات افكاري شكلهم ضائعين وصايعين في دبي 😜)

صور يا مصور:
أكثر شئ ما بترحم عليه زمان، هو المصور التقليدي! كان عنده محل وفي أي مناسبة، كنا نتشحطط زي الخرفان علشان ناخد صورة مع عائلة الباشا الخديوي دحلان! وحتى لما تروح على مطعم، نادي، مدينة ملاهي…..الخ، كان تلاقي عمو المصور موجود وجاهز بالفلاش علشان يذكرك بمنظرك لما تكبر (وأولادك يتمصخروا على موديل شعرك أو بنطلونك الشارلستون، أو قديش كنت شبه القرد – طبعا مش أي قرد، القرد الي بعين امه غزال بس-)
اليوم اندثر المصور وبتتذكره بس لما تضطر ع تجديد جواز أو هوية.
بس البشرى السارة، صار الشعب كله مصور وحامل معه عال الأقل كاميرا وين ما راح! الشعب صار – طبعا بعد ما اقتنع انه غزال – مصور على مدار الساعة! ممكن يصور حاله ٥٠ صورة بنفس البوز، ممكن يصور سيارته، مايوهه أو مايوهك، شو اكل، اصابيع رجليه، اضافره، خصلة شعره، لون شعره، ممكن يصور صورته الي عال الحيط، صورته الي على شاشة اللابتوب، وصورته الي على شاشة الاي فون، داش بورد السيارة…..الخ برضه ( يعني أي شيئ ممكن يطمئنه انه معه كاميرا شغالة )
عادي، بس ليش أنا لازم أشوف هاي الصور؟؟ ومليون زاوية من هاي الصور؟؟ وتعملي تاغ بهالصور؟؟
الكاميرا حق للجميع في النظام الرأسمالي ، بس صورك لا تخليها على النظام الشيوعي اجبارية للجميع!

ب.اس. هاي البوست ديديكاتد للاموره الي صورت حالها بدون مبالغة ششعطعش مرة وهي قاعدة في السهرة…..ع نفس البوز!!!!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s