غوانتانيمو….

غوانتانيمو….

الحمدلله على وجود الضمير الأمريكي عند الشعب الأمريكي الي شل عرض حكومته عن بكرة أبيها بخصوص موضوع التعذيب للسجناء في غوانتانيمو الي اتضح انه ٣/٤ هم بريئين من التهم التي وجهت اليهم، وتم حبسهم وتعذيبهم بطرق استعملت من قبل النازيين، ومنهم من قُتل، ومنهم من جن.
طبعاً هدول المساجين، من مختلف جنسياتنا العربية، سعوديين، كويتيين، مصريين، أردنيين…..الخ، ومع انه فضيحة التعذيب مولعة بجلاجل، والأمريكان مخزيين من كونهم الداعين للحرية والديمقراطية، حكومتهم عم تعمل هيك – ما سمعنا ولا من حكومة عربية، من الحكومات الي رعاياها راحت بين الرجلين وقضي على مستقبلها زوراً وبهتاناً، أي حتى بيان إستنكار بهاي المهزلة الإجرامية بحق رعاياهم، ولا رح نسمع أكيد أي بيان عربي مشترك، ولا رح نطالب بحقوق هدول البشر الي فعلياً مات او ما مات، حياته انتهت بدون رجعة، لمجرد أنه عربي وكان في المكان الغلط في الوقت الغلط…..
أكيد ما بتوقع السعودية أو الدول المذكورة الثانية، يحركوا أساطيلهم وحاملات طائراتهم، ويبحروا بإتجاه الأطلنطي محاذاة للشاطىء الأمريكي الشرقي، وما بتوقع يعطوا أمريكا مهلة للإعتذار وتعويض المتضريين وإلا قصفوها، ولا بتوقع يصير حظر إقتصادي نشل فيه حركة الإقتصاد الأمريكي، ولا كمان بدي أتوقع حد يصرح بس تصريح صغير يلوم فيه أمريكا ويطالب بحقوق ناس غلابة ممكن بسهولة أكون انا أو أي واحد منا محلهم، ولا بتوقع يطالبوا بمحاكمة بوش وشيني ورامسفيلد في محكمة جرائم الحرب الدولية……لأن الشيء الوحيد الي مسموحلي أتوقعه، أنا كعربي أهبل، صفر حافظ منزله، هامشي، ضئيل، حشرة غير ضارة، وبأحسن حالاتي، هو من سيكون الرابح في أراب أيدول……حازم ولا الخلايلة!

IMG_4355.JPG

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s