العالم….

العالم….

كثير هالأيام عم تكتر بوستات على الصفحات الأجتماعية، سواء الشخصية أو العامة، بتحكي عن كيف بنقدر نغير الوضع ونغير العالم ونغير حياتنا، بالرغم من كل الصعوبات، للأحسن…. وفي حالة عنا كلنا بعدم الرضى القسري (يعني عم ننجبر ما نكون راضيين او يمكن عم نجبر حالنا كمان)…
تغيير العالم مش قصة سهلة على فكرة – بالذات إحنا الي بنتغلب لما نغير موبايلنا، فما بالك لما نغير العالم 😜 أو على رأي زياد الرحباني ….قوم غير هالبنطلون أول 😜-، وعلى فكرة، مش كل شي بالعالم بدوا تغيير كمان….العالم جميل جداً وبيمزع العقل أكثر ما بتتخيلوا.
أكيد في أمور بسيطة كثير مقدور انه الواحد يغيرها، وهاي الأمور كثير أكثر من الشغلات الصعبة الي بدها تغيير، لذلك إبدأ بالصغير الي على قدك، ولا تأجله لأنك “مدقر” على الكبير، لأنه الكبير مثل ما كثير حكيت بده جهد موحد بهِمه موحده وبفكر موحد (ويمكن كمان بده زُحل يكون عامودي مع المشتري وأفقي مع الزهرة 😜) وهاي شوي صعبة هاليومين….هيك أسهل بظن، وهيك بتيجي تحت بند “رحم الله أمرؤ عرف قدر نفسه”، وبنفس الوقت ما بننصاب بخيبة أمل مثل الي انصبنا فيها لما حاولنا نغيير…..الكبار.
انا قررت انه ما بدي أغير العالم…….أنا بدي بس العالم ما يغيرني، ويتركني بهبلي وبجنوني وعقلي ومودي وأحلامي وكفري وزندقتي وأسألتي ومثالياتي وهفواتي وأخلاقي وعرصنتي وحمامي كمان……وكثر الله خيره!
تفِهه وصغِر كل مشكلة، وكبر عقلك ووسع خُلقك، وطز طزين ثلاثة…..فيك وبلاك ماشية 😉

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s